Mahoratli yozuvchi Pirimqul Qodirovning ushbu asari o‘zbek adabiyotining eng sara tarixiy romanlari sirasiga kiradi. Unda Movarounnahrdek ulkan saltanatning parchalanib ketishi, Temuriylar sulolasining inqirozi, hokimiyatga erishish ilinjida taxt talashib, bir-birlariga qilich ko‘targan og‘a-ini, tog‘a-jiyanlarning fojiaviy qismati aks ettirilgan.

Roman voqealari orqali o‘quvchi tarixda Temuriylar o‘rtasidagi nizolar, fitna, fisq-u fasod tufayli yuzaga kelgan qonli urushlar, ayovsiz xunrezliklar oqibatida behad qonxo‘r beklar zulmidan sillasi butkul qurigan xalqning g‘oyat nochor ahvoli va uyushqoqlikdan bexabar Temuriylarni Shayboniyxon qanchalar oson mahv etgani bilan tanishadi.

Asarning bosh qahramoni mirzo Bobur odamlardagi bemehrlik, bir-birini ko‘rolmaslik, xudbinlik, xiyonat singari jirkanch illatlar bilan g‘oyat erta, o‘n ikki yoshida taxtga o‘tirganida ro‘baro‘ bo‘ldi. Taqdirning ayanchli zarbalaridan zada bo‘lgan shohning kuygan yuragi – shoir qalbi qalandarlikni ixtiyor etgani ajab emas.

Asar mutolaasi davomida butun umr Vatan ishqida yonib, sog‘inch bilan o‘rtanib, «Jonimdin o‘zga yori vafodor topmadim...» deya iztirob chekkan bobokalonimiz dardi kitobxon qalbini larzaga soladi.

1. AROSAT
2. Birinchi qism
3. Quva. Qil ustida turgan taqdirlar
4. Axsi. Ajalga davo yo‘q
5. Andijon. Gul va quyun
6. Quva. Jasoratning jazosi
7. O‘sh. Najot qayda
8. Samarqand. Zafar va kulfat
9. Andijon, Xo‘jand. Uvol bo‘lgan orzular
10. Xo‘jand, Marg‘ilon, Andijon. Amir Temur saboqlari
11. Toshkent, Namangan, Andijon. Chingiziylar yana hukmron bo‘lmoqchi
12. Samarqand. Hal qiluvchi olishuv
13. Toshkent, O‘ratepa, So‘x. Ko‘chki bosgan buloq
14. TAQDIR TAQOZOSI
15. Ikkinchi qism
16. Hirot. Dovuldan oldingi osudalik
17. Hindikush. Kobul.O‘lim bilan yuzma-yuz
18. Hirot. Marv. Paymonasi to‘lganlar
19. Qunduz. Samarqand. Ikki qilich orasida
20. Kobul. Toshgan daryo o‘zan izlaydi
21. Laxo‘r. Panipat. Dehli. Yangi qirg‘oqlar
22. Agra. Yo hayot, yo mamot
23. Sekri. Qayta ko‘z ochgan buloq
24. Agra. Yulduzlar girdobi