• Тошкентнинг нозанин маликаси
• Бобур умрининг бир довони
• Ипак гиламлар
• Элёр ботмр

1 ПАРДА БИРИНЧИ КЎРИНИШ

Кечки пайт. Аэропорт олдидаги хиёбон.

Диктор(аэропорт радиоузелидан). 465-рейсли Тошкент — Москва самолёти учиб келди. 217-Тошкент — Киев рейси билан учувчи пассажирлар самолётга чиқарилмоқда.

М у н а в в а р билан Музаффар кириб келишади. Музаффарнинг қўлида чамадон.

Музаффар(ўкинчли). Шундай қилиб, бормайман, деб қатъий қарор қилдим, денг.

М у н а в в а р. Ахир тушунсангиз-чи...

М у з а ф ф а р. Ҳа, тушунаман... начора? Мен бўлсам Сиз билан Европа бўйлаб саёҳат қиламан, Гёте юрган кўчаларда,Бальзак сайр қилган хиёбонларда бирга бўлиб, суратларга қўлтиқлашиб тушаман, деб ўйловдим. Ҳамма орзулар ҳам амалга ошавермас экан-да...

М у н а в в а р. Намунча тушкунлик! Ҳаётнинг илк қадамларини қўйяпмизу бошқача қилиб айтганда, эндигина бошланди қўшиқ.

Музаффар. Юрак истамаётган бўлса ҳам, ўзимни онгли равишда тушунишга мажбур қиламан. Ирода деган «Тез ёрдам»га мурожаат қиламан. Начора?.. Ёлғиз кетаверади Музаффар бечора. Мадад бергин, эй ирода!

М у н а в в а р. Ўзим ҳам ачиняпман, лекин илмий ишимни саёҳатдан муҳимроқ, деб топдим-да, домлам Исмат Раҳматович лаборатория олишга ёрдам бердилар. Шу бир ой давомида ишингизнинг дастлабки натижаларини муҳокама қилдириб олишингиз керак, дедилар. Чунки академик Соатов бир ойдан кейин ярим йилга Колумбия университетига лекция ўқигани кетар эканлар (нозланиб)...