"Monografiya sosial psixologiya fanining jarayonlaridan biri bo‘lgan jipslikka bag‘ishlangan. Kitob ikki qismdan, ya’ni mavzuga oid birlamchi adabiyotlarning psixologik tahlilidan hamda jipslikning sosial-psixologik nuqtai nazardan tadqiq etish uchun tanlangan metodikalar yordamida olingan miqdoriy natijalarning talqinidan iborat.
Asarning nazariy tahlil qismida jahon psixologiyasi fanining yirik namoyandalari ta’limoti va qarashlari izchil ravishda o‘rganilgan, muallif shaxsiy yondashuviga mos jihatlari alohida ta’kidlab o‘tilgan. Ularning nazariyalari bo‘yicha muhim tavsiflar umumlashtirilgan, tizimga keltirilgan. O‘ntaga yaqin metodikalar yordamida o‘tkazilgan tajriba-sinov natijalari kitobning asosiy qismiga joylashtirilgan. Eksperimentga uchta futbol (oliy liga, birinchi liga, havaskor klub) jamoalarining a’zolari tortilgan bo‘lib, turli muhitda, sharoitda faoliyat ko‘rsatayotgan shaxslar o‘rtasidagi jipslikni shakllantiruvchi ob’ektiv va sub’ektiv omillar ochib berilgan.
Kitob talabalarga, psixolog, sosiolog mutaxassislarga mo‘ljallangan."