• Кириш
• Бағдодга йўл
• Бу орада Бағдодда
• Халифа Мустаъсим Биллоҳ Бағдоднинг охирги кунларида
• Бағдоднинг сўнгги кунларида давлат девонининг ҳолати
• Бағдоднинг сўнгги кунларид аҳолининг аҳволи
• Бағдод қамали
• Халифаликнинг бош вазири Бағдодни қандай қилиб «мудофаа»га тайёрлади
• Бағдод борган сари мушкулроқ аҳволга тушаётганди
• Бағдоднинг тўрт кунлик ўққа тутилиши
• Арафа исмлик канизакнинг ҳалок бўлиши
• Сўнгги музокаралар
• Халифа Мустаъсимнинг таслим бўлиши
• Халифанинг таслим бўлиш шартлари
• Буюк шаҳар талон-тарож қилишга берилди
• Халифанинг ўша пайтдаги ҳолати
• Халифанинг қатл қилиниши
• Бағдод миллиондан ошиқ мусулмонни йўқотди
• Мўғулларнинг Бағдод маданиятини йўқ қилиши
• Бағдоднинг улкан кутубхонаси
• Бағдоднинг вайрон қилиниши давом этди
• Бағдод қулаганидан сўнг
• Фойдаланган адабиётлар

БАҒДОДГА ЙЎЛ

Шубҳасиз, жаҳон тарихидаги муҳим ҳодисалардан бири бу Бағдоднинг қулаши ва Аббосийлар ҳукмронлигининг тугашидир. Буларнинг барчаси сиёсий харитада бутун дунёга ҳукмронлик қилишга даъвогар бўлган янги кучнинг вужудга келиши натижасидир. Бу даҳшатли кучнинг пайдо бўлиши бутун дунёга, хусусан, мусулмон дунёси учун қўрқинчли оқибатлар

келтириб чиқарди. Ҳижрий еттинчи асрда пайдо бўлган ушбу куч мўғуллар давлати эди. Бу давлатнинг ҳукмронлигида мудҳиш қирғинлар сабаб Ерда кўплаб ўзгаришлар юз берди.

Мўғуллар ўз юришларини барча йўналишларда олиб борган бўлсаларда, асосий мақсадларидан бири Аббосийлар халифалигини тугатиш ва Бағдодни забт этиш эди.

Бунга нақ беш йил пухта тайёргарлик кўрилди. Бу йиллар мобайнида Хитойдан Бағдодгача бўлган ўтказувчи йўллар шу даражага етказилгандики, мўғул қўшинлари улардан ҳеч қандай тўсиқларсиз ҳаракат қилиш имконига эга бўлди. Шунингдек, оғир қурол-аслаҳаларни ташиш учун махсус аравалар тайёрланди. Мўғул қўшинлари ҳаракат қиладиган йўл яқинидаги барча яйловлар уларнинг отлари учун маҳаллий аҳоли чорваларидан бўшатилди. Қўшин йўлидаги барча стратегик нуқталар - Хитойдан то Ироққача - мўғуллар томонидан алоҳида назоратга олинди. Бундан мақсад асосий қўшиннинг хавфсиз ҳаракатини таъминлаш эди...

...