Botirov Mirzohid Ismonxo‘jaevich, 1974 yil 20 martda Andijon viloyati Baliqchi tumanida tug‘ilgan. 1992 yilda Andijon qishloq xo‘jalik institutiga o‘qishga kirib, 1997 yilda Andijon qishloq xo‘jalik institutini olim-agronom mutaxassisligi bo‘yicha imtiyozli diplom bilan tugatgan.
2018 yil 30 mayda “G‘o‘za: g‘alla navbatlab ekishning oraliq muddatida beda etishtirishning samaradorligi” mavzusida yozgan dissertasiyasini muvaffaqiyatli himoya qilib, qishloq xo‘jaligi fanlari bo‘yicha falsafa doktori ilmiy darajasini olishga erishgan.
O‘zbekiston jurnalistlar uyushmasi a’zosi Botirov Mirzohid Ismonxo‘jaevich 30 dan ortiq ilmiy, 100 dan ortiq publisistik maqolalar, 1 ta monografiya, 2 ta tavsiyanoma, 1ta patent, 2 ta darslik, 1 ta o‘quv qo‘llanma muallifi ham hisoblanadi. Uning “Derazangni och” (2021 y.), “Hayrat chohlari” (2020 y.), “Hayot simfoniyasi” (2021 y.), “Eng yorug‘ xat” (2022 y.) nomli to‘plamlari chop etilgan.
Botirov Mirzohid Ismonxo‘jaevich bugungi kunda Amerika Qo‘shma Shtatlarida chop etiladigan nufuzli xalqaro Amerika jurnali hamda "MODERN SCIENCE AND RESEARCH" xalqaro ilmiy jurnali tahririyat hay’at a’zosi hisoblanadi. Shu bilan birgalikda, Botirov Mirzohid Ismonxo‘jaevich “Go‘zal yozg‘ichlar” mualliflik she’riyat telegram kanali asoschisi ham sanaladi.