Ботиров Мирзоҳид Исмонхўжаевич, 1974 йил 20 мартда Андижон вилояти Балиқчи туманида туғилган. 1992 йилда Андижон қишлоқ хўжалик институтига ўқишга кириб, 1997 йилда Андижон қишлоқ хўжалик институтини олим-агроном мутахассислиги бўйича имтиёзли диплом билан тугатган.
2018 йил 30 майда “Ғўза: ғалла навбатлаб экишнинг оралиқ муддатида беда етиштиришнинг самарадорлиги” мавзусида ёзган диссертациясини муваффақиятли ҳимоя қилиб, қишлоқ хўжалиги фанлари бўйича фалсафа доктори илмий даражасини олишга эришган.
Ўзбекистон журналистлар уюшмаси аъзоси Ботиров Мирзоҳид Исмонхўжаевич 30 дан ортиқ илмий, 100 дан ортиқ публицистик мақолалар, 1 та монография, 2 та тавсиянома, 1та патент, 2 та дарслик, 1 та ўқув қўлланма муаллифи ҳам ҳисобланади. Унинг “Деразангни оч” (2021 й.), “Ҳайрат чоҳлари” (2020 й.), “Ҳаёт симфонияси” (2021 й.), “Энг ёруғ хат” (2022 й.) номли тўпламлари чоп этилган.
Ботиров Мирзоҳид Исмонхўжаевич бугунги кунда Америка Қўшма Штатларида чоп этиладиган нуфузли халқаро Америка журнали ҳамда "MODERN SCIENCE AND RESEARCH" халқаро илмий журнали таҳририят ҳайъат аъзоси ҳисобланади. Шу билан биргаликда, Ботиров Мирзоҳид Исмонхўжаевич “Гўзал ёзғичлар” муаллифлик шеърият телеграм канали асосчиси ҳам саналади.