Кириш

1-қисм. Онгда бунёдкорлик кучини уйғотиш

• 1-боб. Худо ҳаққи, ўзингизни севинг!
• 2-боб. Орзуларни рўёбга чиқариш дастурини тўғри йўлга қўямиз
• 3-боб. Атрофимизда омад майдонини вужудга келтирамиз
• 4-боб. Агар истакларимиз амалга ошмаса, нима қилиш керак?

2-қисм. Ўз имижимизни тўғри танлаймиз – муваффақият томон йўлдамиз

• 1-боб. Муваффақият ва машҳурликка эришиш учун ўзингизни гўзаллик ва саломатлик сари дастурланг
• 2-боб. Соатларни орқага сурамиз
• 3-боб. Инсонлараро муносабатларнинг асоси

1 боб

ХУДО ҲАҚҚИ ЎЗИНГИЗНИ СЕВИНГ!

Ўз ўзига муҳаббат – бу Яратишнинг муваффақиятли жараёни учун кучли стимул ҳисобланади. Лекин бу ерда калондимоғлик ва манманликка ўрин йўқ. Инсон ҳақиқатдан ҳам ўзини севса, ўзгани камситишга қодир бўлмайди. Одамларга нисбатан нафрат ва бешафқатлик билан муносабат қилиш инсоннинг ўзига нисбатан ишончсизлик билан қараш туйғусидан келиб чиқади. Ожиз ва турли комплекслар билан азоб чекадиган инсонгина бошқа инсонни таҳқирлаш орқали ўз нафсониятини кўтаришга ҳаракат қилади. Унда келишганимиздек, ўзимизга бўлган муҳаббат илмини ўзлаштирамиз, ўзини севмаслик, айбдорлик ва қўрқув туйғулари бизни олдинга ҳаракат қилишимизни тўхтатиб қўяди.

Агар инсон етарлича ўзини севмаса, қалбида ўзини муваффақиятларга лойиқ деб ҳисобламаса, амалда ҳам бу муваффақиятсизлик ва нафратларга дуч келаверади.

Мен айнан шу мавзуда гап бошлашим бежиз эмас. Ўзингизга чуқур ва чин юракдан бўлган севгисиз бирон натижага эришингиз жуда қийин. Ахир биз машаққатсиз ва қувончга тўла йўлни танладик, тўғрими?

Келинг, биринчи қадамни ташлайлик...

...