Mualliflar

Shoxrux O‘ktamov – 1996 yil 24 avgustda Farg‘ona viloyati, Rishton tumanida tug‘ilgan. Hozirgi kunda O‘zbekiston-Koreya Xalqaro Universiteti talabasi. O‘zbekiston XDP Farg‘ona viloyat kengashi raisi o‘rinbosari, “MOZIYNOMA” nodavlat ta’lim muassasasi direktori sifatida faoliyat olib boradi. O‘zbekiston Respublikasi Oliy Majlisi Qonunchilik palatasi huzuridagi Yoshlar parlamenti a’zosi. Shoxrux O‘ktamovning bugungi kunga qadar “Qalb bayoni” (2019), “Qalb ihyosi” (2019) nazmiy-nasriy to‘plamlari, “Avtonom siyosatchi” (2020) nomli publisistik-ommabop kitoblari nashr qilingan.

Nurutdinov Habibullo Abdullayevich 1992-2023 yillar davomida O‘zbekiston Respublikasi Tashqi ishlar vazirligida, respublikamizning xorijdagi vakolatxonasida, O‘zbekiston Respublikasi Prezidenti devonida, Jahon iqtisodiyoti va diplomatiya universitetida hamda O‘zbekiston Respublikasi Prezidenti huzuridagi Davlat boshqaruv akademiyasida masʼul lavozimlarda faoliyat olib bordi. Mazkur faoliyatlari davrida “Xalqaro protokol va etiket” hamda “Diplomatik marosimlar, protokol va etiket” o‘quv qo‘llanmalarini ishlab chiqdi. Mullifning o‘quv qo‘llanmalari Mustaqilligimiz boshidan eʼtiboran mamlakatimizga xorijiy davlatlardan tashrif buyurgan oliy va yuqori darajadagi mehmonlarning davlat, rasmiy va ishchi tashriflari bilan bog‘liq tashkiliy ishlarda shaxsan qatnashganligi hamda diplomatiya sohasida ko‘p yillik ish tajribalaridan kelib chiqqan holda yaratilgan.