XXI асрда ҳам экология ва атроф-муҳитни муҳофаза қилиш жаҳон аҳлини ташвишга солаётган долзарб муаммо бўлиб қолмоқда. Бундай вазиятда бутун дунёда барча соҳалар қатори таълим-тарбия соҳасида ҳам экологик таълимни янада такомил­лаштириш, ўқувчи-ёшларнинг мазкур йўналишда олган билимла­рини амалда қўллай олиш кўникмаларини шакллантириш муҳим масала сифатида кун тартибига қўйилмоқда. Олиб борилаётган тадқиқотларда узлуксиз таълим тизимида экологик таълимни таш­кил этиш борасида ҳозирги кунда яратилган бир қатор педагогик назария ва ёндашувлар, жумладан, ўқув маълумот­ларини устувор ғоялар теварагида генерализа­циялаш, билиш, умумлаштириш ва оптималлаштириш назария­лари, таълим-тарбияда узлуксизлик ва узвийлик тамойилларига амал қилиш каби омиллар самара беришига ишонч ҳосил қилинган. Ушбу монографияда талаба­ларда атроф-муҳитга эҳтиёткорона муносабатни шакллантиришга оид ғояларнинг назарий асослари, педагогик имкониятлари, метод, шакл, услуб, воситалари ва ўқитиш технологиялари илмий-амалий жиҳатдан баён қилинган.