• Тақдири азал
• Яхшилик
• Яхши ният — ярим мол
• Ҳасад
• Ибрат
• Сўнгги пушаймон — ўзингга душман
• Жоҳиллик
• Ҳасислик
• Садақа ва эҳсон
• Эзгулик
• Поклик
• Ҳалоллик
• Нафс
• Кексалик
• Ёлғон сўз
• Ростгўйлик
• Омонат
• Хиёнат
• Суяксиз тил
• Кибр
• Ғийбат
• Фитна
• Овсинлар
• Қизлар тарбияси
• Ибо-ҳаё
• Онасини кўриб, қизини ол
• Туҳмат
• Қилмиш — қидирмиш
• Етим ҳақи
• Гуноҳи азим
• Виждон
• Судхўрлик
• Бир кам дунё
• Меҳмоннавозлик
• Аввал салом
• Ишқ
• Оила
• Эр бермоқ
• Қўшхотинлик
• Рашк
• Дуо ва қарғиш
• Қўшнилар
• Дўст ва душман
• Вақт ҳақида

ТАҚДИРИ АЗАЛ

Бутун борлиқ муайян ўлчов ва қонуният асосида яратилган. Оламдаги барча ўзгариш ва ҳодисалар муайяи қонуният асосида юз беради. Худо инсонга ақл ва ихтиёр бериб, ёмонликни яхшилик, очликни сабр, дардни даво, фақирликни меҳнат билан бартараф этишга буюрган.

Агар жоҳил одам жарроҳнинг бемор қорнини ёраётганини кўрса, уни жаллод деб ўйлайди. Бу заҳматнинг остидаги ҳикматни тушунмайди. Шунга ўхшаш, инсоннинг бошига тушган мусибатлар — ўлим, касаллик, очлик, муҳтожлик барчаси остида сизу биз билмаган ҳикматлар яширингандир. Мабодо, касаллик бўлмаганда эди, киши соғлик, хотиржамлик қадрини билмаган бўларди.

Тақдирга ишонган киши бошига тушган мусибатларда ўзини йўқотиб қўймайди, Аллоҳга юкиниб нажот йўлини излайди. Ютуқлар олдида эса эсанкираб қолмайди, димоғини кўтармайди, манмансираб кетмайди.

Тақдирга бўлган ишонч ҳар бир мўмин ва муслимага қатъият, ўз орзу-ниятлари йўлида собитлик, чўчимаслик, фикридан чалғимаслик ва қалбига бошқа йўл билан етиб бўлмайдиган лаззатли ором бахш этади.

...