Saytimizdagi elektron kitoblarni 3 usulda o'qish mumkin: kitobxon mobil ilovasi, kitobxon windows dasturi yoki onlayn sayt orqali
BatafsilKetma-ketlik bo‘yicha tavsiya: saytda qanday ro'yxatdan o'tish, saytdagi shaxsiy hisobni qanday to'ldirish mumkin, kerak bo'lgan kitob uchun qanday to'lovni amalga oshirish
BatafsilHurmatli mualliflar: Saytimizda asarlaringiz joylashtirilishini (yoki saytdan o‘chirilishini) istasangiz biz bilan shartnoma tuzish uchun bog‘lanishingizni so‘raymiz.
BatafsilAgar men O‘zbekistonda bo'lmasam, qanday qilib kitob sotib olishim mumkin?
Nima uchun PDF formatini yuklab ololmayman?
Internetsiz kitobni qanday o‘qish mumkin?
va boshqa savollaringizga bizning javoblarimiz.
2016
O'zbek (kir)
272
978-9943-27-685-7
9800 so'm
Reyting |
Asosan voqeiy hikoyalardan tashkil topgan mazkur to‘plam ijodkorning ko‘p yillik ijodi samarasidir. Hayot sinovlari, inson irodasi, shukr va noshukrlik, tuyg‘ular va aql tarozisi, odamiylik fazilatlari haqidagi hikoyalar bilan adiba o‘quvchilar mehrini qozonadi, degan umiddamiz.
QARZGA TO‘LANGAN FARZAND
Bugun er-xotinning orasidan yana olamushuk o‘tdi. Ammo bu safargi janjal yigirma yillik ro‘zg‘orning barbod bo‘lishi-yu, bo‘yga etib qolgan to‘rt nafar farzandning tirik etimga aylanishi bilan yakun topdi. Bunga sabab, oila bekasi bo‘lmish Zahroning eriga qo‘ygan qat’iy talabi bo‘ldi.Oila boshlig‘i Abdusamad aka quruvchi usta. Ishdan bo‘sh paytlari hovlisidagi erdan unumli foydalanishga harakat qiladi. Hotini Zahro esa bozorga chiqib, oldi-sotdi bilan shug‘ullanadi. Bozorda yurib chet elga qatnaydigan tanishlarining biznesdagi omadini ko‘rgan ayol erini ham shu sohaga tortishga harakat qilib ko‘rdi. Ammo bundan naf chiqmagach, tanishlariga qo‘shilib o‘zi chet elga qatnashga qaror qildi. Biroq buning uchun kattagina sarmoya zarur, albatta. Shunday qilib, uning tili bilan aytganda, biznesda qop-qop pul topayotgan dugonalaridek bo‘lish vasvasasi risoladagidek oilaga janjal olib keldi. – Menga pul topib berasizmi, yo‘qmi? – Bozorga jo‘nash uchun shoshilib kiyinayotgan Zahro so‘radi eridan qat’iylik bilan. – Yana tong sahardan diydiyongni boshladingmi? – yotgan joyidan turib «uh» tortdi Abdusamad aka. – Sen aytgan pulni topish uchun boyvachcha aka-ukalarim bo‘lmasa. Hammalari biz qatori tirikchilik o‘tkazayotgan oila. O‘zim oddiy quruvchi usta bo‘lsam. Ayt, qaerdan topay o‘shancha pulni? – Mahalladagi puldor kazo-kazolarni juda yaxshi bilasiz. Ana o‘shalardan bir oy muddatga olib bering. – Sen aytgan o‘sha kazo-kazolar o‘z tengi bilan muomala qiladi. Pulining o‘rniga asos qilib ko‘rsatib turgani engil mashinam, dang‘illama uyim yo‘q mening. Bergan taqdirda ham xudo ko‘rsatmasin, bozoring yurishmay, qarz bo‘lib qolsak bormi, shuncha pulni men yuz yilda ham to‘lay olmayman. Kel, yaxshisi chet elga qatnash haqidagi xomxayollaringni yig‘ishtir. Shu tirikchiligimiz ham yomon o‘tayotgani yo‘q.