Mualliflar

1952 yili Qashqadaryo viloyati, Qarshi tumanidagi «Dasht» qishlog‘ida tug‘ilgan. Maktabni ham shu qishloqda bitiradi. 1976 yili Milliy Universitetning jurnalistika fakultetini tugatgan. Yozuvchining «Yurakdagi sir», «Beorom to‘lqinlar», «Baxt yulduzi», «Oyni axtara- yotgan bola», «Sanam tog‘idagi gulxan» singari qissa va hikoyalaridan iborat kitoblari chop etilgan. Asarlari rus, ukrain, ozarbayjon, ispan va boshqa tillarga tarjima qilingan. Muallifning asarlari asosida «Olov qa’ridagi farishta», «Gunoh», «Tavba», «Muallim», «Zanjir» kabi badiiy filmlar suratga olingan.

Toshboev Olim Shoyimovich, 1971 yil 27 mayda Surxondaryo viloyatining Boysun tumanida tug‘ilgan. 1994 yilda Toshkent davlat universiteti (hozirgi O‘zbekiston Milliy universiteti) jurnalistika fakultetini tamomlagan. Filologiya fanlari nomzodi. O‘zbekistonda xizmat ko‘rsatgan jurnalist. Uzoq yillar davomida O‘zbekiston Milliy teleradiokompaniyasida turli vazifalarda ishlab, teleradiokompaniya raisining birinchi o‘rinbosari lavozimiga qadar yo‘lni bosib o‘tgan. Hozirgi kunda Mudofaa vazirligi Axborot va ommaviy kommunikasiyalar departamenti boshlig‘i lavozimida faoliyat yuritmoqda. Uning ko‘plab hikoya (“Kiprik soyasi”, “Karbalo” va boshqalar) va publisistik maqolalari matbuotda e’lon qilingan. “Abadiy zamondosh” asari muallifning ilk yirik asari hisoblanadi.