Сайтимиздаги электрон китобларни 3 усулда ўқиш мумкин: kitobxon мобиль android-иловаси орқали, kitobxon windows-дастури орқали ёки сайтда онлайн равишда
БатафсилКетма-кетлик бўйича тавсия: сайтда қандай рўйхатдан ўтиш, сайтдаги шахсий ҳисобни қандай тўлдириш мумкин, керак бўлган китоб учун қандай тўловни амалга ошириш
БатафсилҲурматли муаллифлар: Сайтимизда асарларингиз жойлаштирилишини (ёки сайтдан ўчирилишини) истасангиз биз билан шартнома тузиш учун боғланишингизни сўраймиз
БатафсилАгар мен Ўзбекистонда бўлмасам, қандай қилиб китоб сотиб олишим мумкин?
Нима учун PDF-форматини юклаб ололмайман?
Интернетсиз китобни қандай ўқиш мумкин?
ва бошқа саволларингизга бизнинг жавобларимиз
2012
Ўзбек (кир)
64
978-9943-381-09-0
6400 сўм
Рейтинг |
Тўпламда дунёга машҳур ёзувчи, шоир, бастакор, рассом ва бошқа шахсларнинг ҳаёти давомида содир этилган қизиқарли воқеалар ҳамда уларнинг ижодлари билан боғлиқ ҳангомалар жамланган. Ижод аҳлининг ҳаёти ўзи ниҳоятда қизиқ ва ғаройиб бўлади. Тўпламдан жой олган машҳур шахсларнинг ўқувчини ўзига жалб қила оладиган томонларга кўпроқ эътибор қаратилди.
Бундан мақсад дунё таниган шахсларнинг ижоди жараёнида пайдо бўлган ўқувчиларга ҳали унчалик маълум бўлмаган жиҳатлари билан китобхонларни таништиришдир. Бундан ташқари, китобхонлар тўпламни ўқиш жараёнида ўша машҳур инсонларнинг шахси ва ижодлари билан яқинроқ танишадилар.
ФАЙЛАСУФ СУҚРОТ
Буюк донишманд Суқрот жуда хунук, бадбашара одам бўлган экан. Бир гўзал аёл келиб унга дебди:
— Афандим, икковимиз турмуш курсак... Шояд яратганнинг инояти билан бир ўғил кўрсак. У сиздек доно, мендек хуснда танхо бўлса...
— Борди-ю, акси бўлиб чиқса-чи. Ўғлимиз мендай бадбашара ва сиздай ақли қосир бўлса?..
* * *
Суқротдан одамзод баданидаги қайси аъзо энг носезгир деб сўрашди.
— Бурун! — деб жавоб қилди файласуф. — Менинг бувим бир умр бобомнинг бурнидан ип ўтказиб, судраб юрди, у эса буни сезмади ҳам.
* * *
Суқротдан шогирдлари сўрашди:
— Никоҳни бекаму-кўст бўлмоғи учун нечта шарт бор?
— Иккита, — жавоб берди Суқрот, — эр кар ва аёл кўр бўлмоғи лозим.
* * *
Суқротни қатл қилиш учун олиб кетаётганларини кўрган бир аёл йиғлаб юборди:
— Бу қандай бедодлик! Ҳеч қанақа гуноҳинг йўқ-ку, нега сени қатл қилишмоқчи?
Сукрот жавоб берди:
— Э, нодон аёл, наҳотки сен менинг жиноят қилиб, шу жиноятга яраша қатл этилишимни истасанг!
...