Mazkur o‘quv qo‘llanma kimyoviy texnologiya sohasi bo‘yicha tayyorlanayotgan bo‘lajak muhandis-pedagoglarning kasbiy ta’lim metodikasi fanidan nazariy bilimlarini puxta egallashlariga ko‘maklashish, amaliy bilim va ko‘nikmalarini rivojlantirishga qaratilgan bo‘lib, undan oliy ta’lim muassasalari hamda kasb-hunar kollejlari o‘quvchilari, soha tadqiqotchilari ham foydalanishlari mumkin.
O‘quv qo‘llanmada keltirilgan ma’lumotlar 5111000 – Kasb ta’limi (Kimyoviy texnologiya) bakalavriatura yonalishi o‘quv dasturi asosida yozilgan. O‘quv qo‘llanmada uzluksiz ta’limni standartlashtirish asoslari, ta’limning tarbiyaviy xususiyatlari, nazariy ta’lim tizimlari, o‘quv rejalashtirish xujjatlari, kasb-hunar kollejlarida o‘qitish jarayoni, mustaqil ta’limni tashkil etish, o‘qitishda ko‘rsatma, qo‘llanmalar va texnika vositalaridan foydalanish, o‘quv jarayonining uslubiy ta’minoti, o‘quvchilarning kitob bilan ishlash, talabalar bilim, ko‘nikma va malakalarini shakllantirish va baholash, ishlab chiqarish ta’limi asoslari hamda o‘quv ustaxonalarida o‘qitishga oid ma’lumotlar keltirilgan.