Муаллифлар

Мамиров Жамшид 1988 йилда Самарқанд вилояти Булунғур туманида туғилган. Тумандаги 28-мактабда таҳсил олган.

Рассом, портрет жанри устаси, кўплаб алломалар сиймоларини ўз асарларида тасвирлай олган машҳур санъаткор Хушруяхон – Азизахон Маматова 1947 йил 15 апрелда қадимий ва гўзал шаҳарларидан бири Қўқонда зиёли оиласида дунёга келди. 1973 йилда Россия Бадиий Академияси қошидаги И. Е. Репин номли Санкт-Петербург рангтасвир, ҳайкалтарошлик ва меъморлик олий ўқув юртини, 1980 йилда шу ўқув даргоҳида аспирантурани тамомлади. 1973 йилдан буён Камолиддин Беҳзод номидаги Миллий рассмолик ва дизайн институтида доцент лавозимида ишлаб келмоқда. 1994 йилда у «Туркистон алломалари» туркум портретлари учун «Ўзбекистонда хизмат кўрсатган маданият ходими» унвонига сазовор бўлди. 2001 йилда кўп йиллик жамоатчилик фаолияти учун Ўзбекистон Республикаси Хотин-қизлар Қўмитасининг Фахрий ёрлиғи билан тақдирланди. Муссавира 1997 йилда Ўзбекистон мустақиллиги йўлида қурбон бўлган ўғлонлар сиймолари юқори бадиийлик билан тасвирланган туркум асарлари учун Ўзбекистон Бадиий Академиясининг дипломи билан мукофотланган. Азизахон яратган қатор асарлар жаҳон галлереялари ва музейларида, хусусан, АҚШ, Монголия, Россия давлатлари коллекцияларидан ўрин олган. Муссавирнинг асарлари Ўзбекистонинг қатор музейларида сақланади. Жумладан, Ўзбекистон санъати музейидан жой олган «Саховат» ва «Шоира Халима Худойбердиева» асарлари, Абдулло Қаҳҳор уй-музейида «Кибриё Қаҳҳорова», Ойбек уй-музейидаги «Ёзувчи Ойбек» ва «Ойбек ва Зарифа Саидносирова», Давлат Жамият қурилиши Академиясидаги «Абдулла Қодирий», «Ғайбулло Ас-Салом» ва «Ёш Нодирабегим» портрелари санъат ихлосмандлари эътиборини ўзига тортиб келмоқда. Кўргазмалар экспозициясида Азиза Маматова яратган буюк алломаларимиз (Ал-Фарғоний, Алишер Навоий, Ибн-Сино, Мирзо Бобур) сиймолари намойиш этилган. 2012 йил август ойида Ватанимиз мустақиллигининг 21 йиллигига бағишлаб, рассомнинг «Вақт ва Инсон» номли кўргазмаси учун Ўзбекистон Бадиий Академиясининг «Олтин медали» билан мукофотланди. Шунингдек Хушруя (Азиза) Насимовна Маматованинг бакалаврлар учун «Фан» нашриётида чоп этилган «Чизматасвир ва рангтасвир фанларидан ўқув услубий қўлланмалар» тўплами талабалар билимини оширишда хизмат қиляпти.

Маматова Кароматхон Абдураҳмоновна Фарғона вилояти Олтиариқ тумани Полосон қишлоғида таваллуд топган. 1990 йили Тошкент давлат қишлқ хўжалиги институтида Агрономия ихтисослиги бўйича таҳсил олган...

Улуғбек Маматов Насимович, 21 февраль 1983 йили, зиёлилар оиласида Андижон шаҳрида туғилди. 2000 йилда Тошкентдаги 11 йиллик Саньат–мусиқа ва рассомлик лицейни тугатиб, Камолиддин Беҳзод номидаги Миллий рассомлик ва дизайн институтига қабул қилинди. 2005 йилда бу олийгоҳни муваффақиятли тугатди. Диплом асари «Фаришталарнинг оқшом куйи» деб аталади. 2005 йил кузида бу асари билан Камолиддин Беҳзод таваллудига бағишланган кўргазмада иштирок этди. 2006-2007 йиллари Камолиддин Беҳзод номидаги Миллий рассомлик ва дизайн институтига, магистратурага қабул қилинди ва уни аьло диплом билан тугатди. 2007 йили ноябрь ойида, Камолиддин Бехзод номидаги Миллий рассомлик ва дизайн институтига, татдқиқотчи бўлиб қабул қилинди. 2006 йилда Ўзбекистон Бадиий Академиясининг бадиий ижодкорлар уюшмасига аъзо бўлди. 2008-2009 йилларида, Халқаро Каравон Сарой кўргазмалар залини мудири бўлиб ишлади. Ўз асарлари билан 2008-2010 йиллари августида, «Фонд форум» ва Бадиий Академияси томонидан ташкил қилинган «Навқирон Ўзбекистон» кўрик танловларида қатнашиб, сертификатлар билан тақдирланган. Мунтазам равишда Республика ва Халқаро бадиий кўргазмаларида асарлари билан иштирок этишга харакат қилди ва 2013 йилнинг апрелида Камолиддин Беҳзод номидаги боғ музейида шахсий ижодий асарлари билан кўргазмасини ўтказди. 2012 йилдан ҳозиргача Миллий рассомлик ва дизайн институтининг Чизматасвир кафедрасида ўқитувчи сифатида фаолият юритмоқда. Шу билан бирга “Ўзбекистон тасвирий санъатида тарихий жанр ва унинг назарий тахлили” мавзусида тадқиқот олиб бормоқда. У. Маматовнинг шу кунга қадар бир қатор хорижий ва маҳаллий нуфузли журналларда илмий мақолалари чоп этилди. Институтнинг илмий-маърифий ишларига ҳам ўзининг салмоқли ҳиссасини қўшиб келмоқда.