Сайтимиздаги электрон китобларни 3 усулда ўқиш мумкин: kitobxon мобиль android-иловаси орқали, kitobxon windows-дастури орқали ёки сайтда онлайн равишда
БатафсилКетма-кетлик бўйича тавсия: сайтда қандай рўйхатдан ўтиш, сайтдаги шахсий ҳисобни қандай тўлдириш мумкин, керак бўлган китоб учун қандай тўловни амалга ошириш
БатафсилҲурматли муаллифлар: Сайтимизда асарларингиз жойлаштирилишини (ёки сайтдан ўчирилишини) истасангиз биз билан шартнома тузиш учун боғланишингизни сўраймиз
БатафсилАгар мен Ўзбекистонда бўлмасам, қандай қилиб китоб сотиб олишим мумкин?
Нима учун PDF-форматини юклаб ололмайман?
Интернетсиз китобни қандай ўқиш мумкин?
ва бошқа саволларингизга бизнинг жавобларимиз
2002
Ўзбек (кир)
288
5-86484-043-2
9000 сўм
Рейтинг |
Мазкур китобга адибнинг кейинги йилларда ёзган асарлари ва унинг ижодига доир мақолалар, тақризлар, суҳбатлар, маълумотлар, ҳангомалар киритилган. Бу адибнинг серқирра ижоди тўғрисида китобхонларга батафсилроқ маълумот беради. Шунингдек, китобхонлар эътиборини жалб этиш мақсадида саҳифанинг юқори қисмига адибнинг асарларини, пастки қисмига мақолалар, тақризлар, суҳбатларни жойлаштирдик.
Ўйлаймизки, китобдаги асар, фикр-мулоҳаза ва маълумотлар сизнинг ижодкор ҳақидаги тасаввурларингизни кенгайтиради. Хуллас, ёш тадқиқотчи Д. Муҳаммадалиева тартиб этган ушбу китоб Ҳайдар Муҳаммад ижодига қизиққанлар учун катга манба вазифасини ўтайди.
ИЖОДКОР ЙЎЛИ
Оламни билишга, унинг моҳиятини англашга, ақлу тафаккур калити ила дунё сир-у асрори қулфини очишга интилиш, ҳаётдаги турли қарама-қарши кучларга тик туриб, ўзининг ҳаққоний фикрини айта олиш — кишиларга маънавий озуқа бериш учун ўзини муттасил изланишга, риёзат чекишга, тинимсиз меҳнатга сафарбар этиш — олимлик ёхуд шоирлик қисматидир. Мана шу қийин меҳнатга чидаганлар номи дунёга танилади, машҳур бўлади...
Тошкентнинг муқаддас тупроғида не-не азиз инсонлар дунёга келмади дейсиз. Ана шу тупроққа Оллоҳ Таоллонинг инояти билан 1936 йил 1 апрелда Муҳаммад Сиддиқхўжа ака хонадонида ўғил фарзанд дунёга келди. Тўлғоқ дардларидан анча азобланган, Тожихон опа ойдек чақалоғини қўлларида тутаркан, кўзларида шашқатор севинч ёшлари билан Оллоҳдан шу фарзандига иқбол, саодат сўради. Муҳаммад Сиддиқхўжа ака Ҳайдарали деган авлиёга ихлослари баланд бўлгани учун фарзандига Ҳайдар деб исм қўйди. Ажабки, ота дуолари ижобатиданми, Ҳайдар Муҳаммадда гўзал фазилатлар жамулжамдир.
Муҳаммад Сиддиқхўжа ака ақл-заковатли, етти ўлчаб бир кесадиган, саховатпеша инсон эди. Бўлажак шоир ана шу инсоннинг нозик тарбиясида балоғатга етди. Шеъриятга, адабиётга бўлган ҳавас учқунлари бора-бора қалб гулханига — муҳаббатига айланди. Шоир ўз эсдаликларида ёзишларича, ўзларини 5 та аравага қўшилган отга қиёслайди: биринчи аравада — рафиқа, бола-чақа, уй-рўзғор юки; иккинчи аравада — ижод юки; учинчи аравада — давлат иши; тўртинчи аравада — иморат қуриш, жой-манзил қилиш; бешинчи аравада — жамоатчилик ишлари...