Китоб қандай ўқилади?

Сайтимиздаги электрон китобларни 3 усулда ўқиш мумкин: kitobxon мобиль android-иловаси орқали, kitobxon windows-дастури орқали ёки сайтда онлайн равишда

Батафсил

Китобни қандай сотиб олиш мумкин?

Кетма-кетлик бўйича тавсия: сайтда қандай рўйхатдан ўтиш, сайтдаги шахсий ҳисобни қандай тўлдириш мумкин, керак бўлган китоб учун қандай тўловни амалга ошириш

Батафсил

Сиз муаллифмисиз?

Ҳурматли муаллифлар: Сайтимизда асарларингиз жойлаштирилишини (ёки сайтдан ўчирилишини) истасангиз биз билан шартнома тузиш учун боғланишингизни сўраймиз

Батафсил

Савол-жавоблар

Агар мен Ўзбекистонда бўлмасам, қандай қилиб китоб сотиб олишим мумкин?
Нима учун PDF-форматини юклаб ололмайман?
Интернетсиз китобни қандай ўқиш мумкин?
ва бошқа саволларингизга бизнинг жавобларимиз

Батафсил

Жаҳолат асираси

Жаҳолат асираси
Кўрганлар, жами:

19317

Нашр йили:

2016

Тили:

Ўзбек (кир)

Бетлар:

256

ISBN рақами:

978-9943-27-776-2

Китоб маҳсулотларининг характеристикалари, етказиб бериш шартлари, ташқи кўриниши ва ранги ҳақидаги маълумотлар фақат маълумот учун мўлжалланган ва жойлаштирилган пайтда мавжуд бўлган энг сўнгги маълумотларга асосланади.
Парчани ўқинг
Электрон китоб
Эътибор беринг "Сотиб олинган китоблар қандай ўқилади?" бўлими билан танишиб чиқинг!

9400 сўм

Сотиб олиш

Рейтинг

  • Аннотация
  • Китобдан парча
  • Фикр ва мулоҳазалар

Тақдир, аслида худо томонидан буюрилган инъом. Ва Аллоҳ таоло бизни ақл билан ҳам сийлаганки, нима яхши-ю нима ёмон, нима тўғри-ю, нима нотўғри, биз бораётган манзил нурафшонми ёки зулматми – уларни бир-биридан фарқлаш ва муносиб ҳаёт йўлини танлашимизни ўзимизга қўйиб берган. Бошқаларнинг истагига кўра яшаш, бошқаларнинг йўриғи билан яшаш, алалоқибатда эса ҳалокат билан якун топадиган умрни тақдирнинг ҳукми сифатида баҳолаш нотўғри. Инсон қалбида ниш урган орзу-умидлар, ёрқин келажакка ишонч, бахтли ҳаёт кабиларнинг фақат хаёлда қолиб кетмаслиги, саробга айланмаслиги тақдирга қанчалик боғлиқ бўлса, инсоннинг иродаси, матонати, тарбияси, уни камолга етказган оилавий муҳитга ҳам шунчалик боғлиқдир. Эътиборингизга ҳавола этилаётган китоб қаҳрамони – Маҳзуна ҳам орзулари осмон қадар буюк, қалби меҳрга лиммо-лим, айни пайтда бахтга ташна қиз эди. Исми тақдирини ҳам маҳзун қилиб қўйган қиз бошидан кечирган беҳисоб азоб ва кўргиликлар, она Ватан соғинчи – бир аёл умрини, бегона юртда бахт излаган, алалоқибатда бахтсизликка дучор бўлган бир аёл орзуларини чилпарчин қилиб юборди...

JAHOLAT ASIRASINING IQRORI
Odatiy ish kunlaridan biri. Hamxona ayollar tushlikka tushib ketishgan, men esa, gazetaning navbatdagi soni uchun mo‘ljallangan maqolani tugatolmay xunobim oshib, klaviaturani asabiy shaqirlatib o‘tirardim. Huddi shu paytda ish telefonining jiringlashi yanada g‘ashimni keltirdi. Honada ayollar bo‘lganida-ku umuman telefonni ko‘tarmasdim. Chunki, gazetamizning muxlislari asosan ayollar bo‘lgani sababli qo‘ng‘iroqlar ham bevosita ularni qiziqtirgan masalalar bo‘yicha bo‘ladi. Kimdir eridan nolib dardini dasturxon qiladi, boshqa birovi qaynonasining zulmidan dod soladi... Hafsalasizlik bilan go‘shakni oldim. Kutganimdek ayol kishining ovozi. Salomiga alik oldim va shoshilib turganimni bildirish uchun qisqa va rasmiy ohangda «gapiring, eshitaman», dedim. – Men... haligi o‘z boshimdan kechirgan voqealarni gazetangizda chiqarmoqchi edim, – ayol kishining so‘nik so‘lg‘in ovozini eshitib, engil xo‘rsindim. Ana, aytmadimmi. Boshlandi. Odatda bunday hikoyatlar «men ota-onamning erka qizi edim. Eganim oldimda, emaganim ortimda edi, erga tegdim-u hayotim batamom o‘zgarib ketdi», qabilidagi gap-so‘zlar bilan boshlanadi. – Singlim, bilasizmi, mushtariylarning dardlarini eshitib yozib oladigan xodimamiz bugun ishga chiqmadi. Ayollarni qiziqtiradigan masalalar bo‘yicha tushdan keyin telefon qiling. Ming bor uzr, hozir sizning hikoyangizni eshita olmayman. Shoshilib... – Men ham sizning vaqtingizni olmoqchi emasman. Bu gaplarni aytib ham bo‘lmaydi. Hammasini bitta daftarga qo‘limdan kelganicha yozib chiqdim. Iltimos, shuni chop etsangizlar... Bunaqa holatlarga ham duch kelganman. Yarim yilcha avval bir kelinchak o‘z kechmishlari bitilgan uchta qalin umumiy daftarni tahririyatga keltirib bergan, bosh muharrirning topshirig‘i bilan bu daftarlardagi hasratni gazetabop usulda qayta yozib, «Quvilgan kelinning iztiroblari» degan sarlavha ostida chop ettirgandim. Kutilmaganda bu «serial» o‘quvchilarda juda katta qiziqish uyg‘otdi. Tirajimiz ham etti-sakkiz ming ga ko‘tarildi. Ammo hammasidan yomoni keyin bo‘ldi. Haligi kelinning eri, qaynona-qaynotasi «bizni butun qishloqqa sharmanda qildilaring» deya tahririyatga to‘polon ko‘tarib keldi. Yaxshiyamki, voqea joyi va qahramonlarning haqiqiy ism-sharifini oshkor etmaganimiz. Aks holda ular bizni sudga berishga ham tayyor edilar. Qonun biz tarafda ekanini tushunib, nochor izlariga qaytishdi. Ammo ortiqcha gap so‘zlar, asabbuzarlik kimga ham yoqadi deysiz. O‘shandan keyin bunaqa «hasratnoma»larni qog‘ozga tushirishdan tavba qilgandim.

Комментарий қўшиш
Фикр ва мулоҳаза билдирилмади. Биринчи бўлинг!


Шу китобни қуйидаги ном билан ҳам излашмоқда:

Жахолат асираси