Сайтимиздан нафақат электрон, балки қоғозли китобларга ҳам буюртма беришингиз мумкин.
Буюртмангиз Ўзбекистон почтаси орқали манзилингизга етказилади. Дўкон телефони: +99871 227-12-39

Энди Сиз сотиб олган китобларингизни юклаб олишингиз шарт эмас!
Эътибор беринг: ҳозирда бизнинг сайтимизда сотиб олинган электрон китоблар 3-та усулда ўқилиши мумкин:
мобил илова орқали, Windows-илова орқали ва сайтдаги онлайн-ўқувчи орқали. Батафсил -->

Шамол ортидан югуриб

Шамол ортидан югуриб
Кўрганлар, жами:

18143

Таржимон:

Рустам Жабборов

Нашр йили:

2016

Тили:

Ўзбек (кир)

Бетлар:

208

ISBN рақами:

978-9943-27-758-8

Парчани ўқинг
Электрон китоб (1,4Mb) :

6200 сўм

Сотиб олиш

Рейтинг

  • Аннотация
  • Китобдан парча
  • Фикр ва мулоҳазалар
Holid Husayniy 1965 yilda Kobulda afg‘on diplomati oilasida tug‘ilgan. 1980 yilda uning oilasi AQShga ko‘chadi. Shu erda u tibbiyot fakultetiga o‘qishga kiradi. Uning ilk romani «Shamol ortidan yugurib» AQShda yangi asrning bestseller asariga aylanadi. Mazkur asar dunyoning qirqdan ortiq tillarida 10 million nusxada nashr qilingan. Bu kitob asosida Gollivud kinoijodkorlari film ham suratga olishgan.
Bundan 26 yil muqaddam qish kunlari yuz bergan o‘sha mash’um hodisa meni tamoman bosh­qa odamga aylantirdi. Ba’zan o‘tmishni eslarkanman, ichimni alamli iztirob tilkalay bosh­laydi. Bu yil yoz kunlarining birida Pokistondan eski qadrdonim, otamning do‘sti Rahimxon qo‘ng‘iroq qilib, tez etib borishim lozimligini aytdi. Oshxonada turgancha telefonni qulog‘imga bosib, uning tahlikali ovozini ting­larkanman, bu shunchaki taklif emasligini ang­ladim. Beixtiyor xayol meni o‘tmishga chorladi, kechirilmas gunohlarim haqidagi eski xotiralar ko‘z oldimda jonlandi. Suhbatni tugatib, sayrga otlandim. Yo‘lim Sprekels ko‘li bo‘ylab, «Oltin darvoza» xiyobonining shimoliy chegaralaridan o‘tardi. Qiyomga kelgan quyosh nurlari ko‘l sathida jilvalanar, suv yuzida o‘yinchoq kemachalar elkanlarini shishirib suzib yurardi.Odamlar, daraxtlar, shamol tegirmonlari... bari­barini pastda qoldirgancha varraklar San­Fransisko osmoni uzra bearmon uchardi. Shu onda qulog‘imga Hasanning so‘zlari chalingandek bo‘ldi: «Sen uchun ming martalab...» Varraklarni jonidan ortiq ko‘radigan, ular qo‘nadigan joyni aniq chamalab, hammadan oldin o‘sha joyga borib turadigan, tirtiq labli bolakayning bu so‘zlari miyamda qayta­qayta aks sado berardi. Men majnuntol tagidagi o‘rindiqqa cho‘karkanman, Rahimxonning telefonda aytgan so‘ng­gi so‘zlarini esladim: «o‘tmishdagi xatolaring­ni tuzatishing, nomingni oqlab olishing uchun qulay fursat tug‘ildi». Men osmondagi varraklarga qarab, Hasan haqida, Bobo haqida, Ali haqida o‘ylardim, Kobulni xotirlardim, 1975 yilning qish kunlariga qadar bo‘lgan hayotimni bir qur ko‘z oldimga keltirdim. Ana shu qish meni o‘zgartirdi, o‘sha qish meni butunlay boshqa odamga aylantirdi.
Комментарий қўшиш
Фикр ва мулоҳаза билдирилмади. Биринчи бўлинг!