Сайтимиздан нафақат электрон, балки қоғозли китобларга ҳам буюртма беришингиз мумкин.
Буюртмангиз Ўзбекистон почтаси орқали манзилингизга етказилади. Дўкон телефони: +99871 227-12-39

Энди Сиз сотиб олган китобларингизни юклаб олишингиз шарт эмас!
Эътибор беринг: ҳозирда бизнинг сайтимизда сотиб олинган электрон китоблар 3-та усулда ўқилиши мумкин:
мобил илова орқали, Windows-илова орқали ва сайтдаги онлайн-ўқувчи орқали. Батафсил -->

Боқий Мирзо

 Боқий Мирзо

 

Боқий МИРЗО (Боқимирзо Умрзоқов), 1954 йил Наманган вилояти Чортоқ шаҳрида туғилган, Боқий Мирзо унинг адабий тахаллуси. Қўқон Давлат пединститутини тамомлагач (1975), мактабда, туман ижроқўмида, Ўзбекистон Ёзувчилар уюшмаси Наманган вилоят бўлимида, газеталарда ишлади. Таржимаи ҳолида ўқитувчилик ва газетачилик катта ўрин тутадики, Боқий Мирзонинг ижоди педагогикада ва журналистикада шаклланди, қалами шеъриятда чархланди дея оламиз. Ўзбекистон Ёзувчилар уюшмаси аъзоси Боқий Мирзо “Янги кун”, “Узукдаги ёқут кўз”, “Кўнгил ҳиёбони”, “Сен ҳаммадан чиройлисан”, “Юрагимни сойларга бердим” шеърий тўпламлари, “Қайдасан, Чарос?”, “Куйган аёл”, “Маккоранинг қисмати”, “Қасоскор қиз қисмати”, “Сақлаш камерасидаги ханжар” қиссалар ва ҳикоялар тўпламлари, “Тиллафуруш” (3 том), “Ўғрининг муҳаббати” (2 том) романлари, хотира очеркларидан иборат “Оҳу соясида бир лаҳза”, “Юрт бўйлаган одамлар”, “Киприкдаги марварид” трилогияси, “Кўзларингни соғиндим” (2 китоб), “Қиморга тикилган қиз”, “Хазина эгасининг қотили” романларининг муаллифи ҳисобланади.