..Blosxolm abbati Meldon bilan bo‘lgan tengsiz jangda boshidan jarohatlangan Kristofer Harflit chet elga badarg‘a qilinadi, xorijda ko‘pdan-ko‘p jabru jafolarga duchor bo‘ladi. Uning xotini – bir haftalik kelinchak ledi Sayseli enagasi Emlin bilan monastirga qamaladi, keyinchalik esa jodugar sifatida ayblanib, gulxanda yondirilishga hukm qilinadi... Ingliz yozuvchisi Genri Rayder Haggard (1856 – 1925) faqat Angliyadagina emas, balki chet ellarda ham mashhur bo‘lgan ko‘pdan-ko‘p tarixiy va sarguzasht romanlar muallifidir. Uning asarlari bizning mamlakatimizda ham bir necha bor nashr etilgan.

I БОБ
СЭР ЖОН ФОТРЕЛ

К имда-ким Блосхолм аббатлиги 1 харобаларини бир марта кўрган бўлса ҳам, уларни ҳеч қачон унутолмайди. Аббатлик тепаликка жойлашган, уни шимолдан серсув дарё қуйилиши ҳошия дек ўраб олган; шарқ ва жанубдан у бепоён далалар, ўрмонлар, ботқоқликка айланган яйловлар, ғарбдан бўлса, аста-секин қирмизиранг торфли ерларга қўшилиб кетувчи тепаликлар билан қуршалган; улардан хийла нарида ҳад-ҳудудсиз ғамгин чўққилар кўриниб туради. Табиат манзараси, биз ҳикоя қилмоқчи бўлган воқеалар юз берган Генрих VIII 2 давридан бери деярли ўзгармаган; бу ерда на катта шаҳар пайдо бўлди, на шахталар қазилди, на ерни таҳқирлаб, ҳавони мудҳиш, бўғувчи тутуни билан булғовчи фабрикалар бунёд этилди. Гарчи ҳозир кўпгина уйларнинг томлари тўғон бўйидан ўриб олинган қамиш ўрнига черепица ёки дағал сланец плиталар билан ёпилган бўлса-да, кўпдан-кўп авлод кишиларининг ҳаммаси ҳануз ўша эшиклардан кириб чиқадилар. Кўҳна қишлоқ қудуқларидаги челакли чиғириқлар ўр нини эгаллаган темир тулумбалар Эдуард I замонасидагидек, эҳтимол, ундан ҳам талайгина асрлар муқаддам мавжуд бўлганидек, ҳамон қишлоқни сув билан таъминлайди. На наф, на зарурият йўқлигига қарамай, кундалар-у иснод устунини ҳали ҳам аббатлик дарвозаси яқинидаги монастирь ўтлоғининг ўртасида кўриш мумкин. Иснод устунида баланд-паст қилиб осилган ва эркак, аёл ҳамда боланинг қўлларига мослаб ясалган катта-кичик учта темир ҳалқа кўзга ташланади.